Ka HDD Ka ti chhia

December 2008 atanga 8 Feb.2009 in kar a a vawi engemaw zahna atan ka Hard Disk ka ti chhe leh ta!!!

Ka online peih toh lo!!!!!!

 

Ka Pi

Mi pi te angin degree hrawl pui pui lek chhuah tur a nei ve lo, rambuai laia vailian hlau a, Silchar lam a an tlanchhiat tum a sawi bak chu khawvel hmun dang a rah chanchin sawi tur a nei hek lo. Ziak thiam lovin chhiar chauh thiam mahse tun thleng a ka chhawr tur a ka rilru a Mizo thawnthu leh Bible thawnthu te muthmun a min hrilhtu. Mi pi te ang lehkhabu a thu tha leh khawvel ram dang chanchin a finna te min kawhhmuh tur nei ve lo mahse, a nun a min entir a, thawhrimna chuan engkim a tu dawl a ni (labor omnia vincit) tih ziak a chhiar atang ni lovin a nunin a takin min entir a, mite pawhin a taihmak zia sawifiah nan a, a thingfak sei bik zia hahip a an sawi thin. Naupan laia rual u ten min tih thiamloh chang a lungchhe vankuai a inlam ka pan lai a, a thawm riva ka hriat ve leh a uar mangkhen a ka tah khum thin, engtik lai pawha ka thlavang hauh inpeih reng…natna khum a kum thum chuang a mut hnu pawh a, khawi ilo ka chhuah chang a in ka thlen veleh a, a hmel hmu lova ka awm theihloh ni 23.1.09 tlai dar 6:00 a kum 95 mi ni a kum 1997 chatuan ram min pansan ta ka pu Tinchawia leh Pa Pathian hnen a chawlhlen tawh tur achatuan ram min pansan ta ka pi duhtak Thangningi kum 95 hriatrengna lo ni rawh se.

 

Min ngaidam rawh

I sikul kal hmasak ber tum a i kal rualpui ka ni a, sikul a ka thian neih hmasak ber i ni a, kei aia i upat zawk avangin ka tan unau leh thian chan i chang a, ka sikul ipte rit ka tih vanga ka tah tuau tum pawh a min ah chhawk tu i nih kha ka la hre reng. Kan sikul kalna atanga inthurual a sikul danga kan 2 a intiam rual a sikul dang a kan chhungte hnena insawn kan dil ve ve tum a kan chhungten an lo phal ve ve avanga sikul khat a kan kal thei kan lawm dun zia te kha…. Vawiinah hian mitthla ah a rawn lang nawn leh……. Sikul ban a tuikhuah a kan chen ruk tum a, ka duh aia thuk ka dai a, ka ke chhep sual petek tlu mai tur min rawn dal tum a, kan inkuah vawng vawng te kha……… Kungfu shoe kan neih thar dun tum a, kan sikul kawtah break lai a, kan sikul form pheikhawk phelh a kan kungfu shoe thar bun a, kungfu kan show dun chiam tum te khan kan va hlim em ti raw…..

 

The Pickle Jar

Nikhua ka hriat theih tirh atangin ka nu leh pa te pindan a an khum sir a thei-um bur ruak inhung thin hi ka hmu tawh a. Zan ah hian ka pa hian a mut dawn apiang hian a ipte a pawisa nawi ah chhun chhun chu he bawmah hian a thlak ri ral ral thin a, chung pawisa nawi han tla ri ral ral thin ngaihnawm ka tih zia thin te kha aw!!!! Bur a pawisa nawi a la tlem lai chuan a ri thla ral ral thin a, a khat tial tial a, a thum tial tial thin. Zing nichhuak in a pawisa nawi bawm a pawisa an rawn chhun tle set set thin te phei kha chu ka thlir ning thei lo a, suamhmangho robawm ang riakah a ni ka chan ni.

 

Veikhawr

(Ka rilru ah hman a mizo chanchinbu pakhatah emawni a “Veikhawr” chungchang an ziah ka chhiar tawh a lo lang leh thut a, chumi vang a ka rilru a lo awm thar te sawmkhawm pahin, ka tih tur hre lovin ka google chhin mai mai a, heng site ho Wiki, BBC.co.uk, rkwest.com, openbible.info bakah site thenkhatte ka google chhuah zingah ka chhiar a, hei hi a rawn chhuak leh ta nawlh mai)